दसैँमा प्रधानमन्त्रीको शुभकामना सन्देश, लिम्पियाधुराको नक्सा गायब

0

बिर्तामोड । उखान टुक्का मिसाउँदै राष्ट्रवादको गफ दिने प्रधानमन्त्री केपी शर्मा ओलीले भारती गुप्चार एजेन्सी रअका प्रमुख सामन्त गोयलसँग भेटगरे लगत्तै बडा दशैंको शुभकामना सन्देशमा लिम्पियाधुरासहितको भूभाग नसमेटिएको नेपालको नक्सा प्रयोग गर्नुभएको छ ।
सामाजिक सञ्जालमार्फत दसैँको शुभकामना व्यक्त गर्ने क्रममा प्रधानमन्त्रीले लिम्पियाधुरा नसमेटिएको नक्सा प्रयोग गर्नुभएको हो । तर प्रधानमन्त्रीका प्रेस सल्लाहाकार सूर्य थापाले भने लोगो सानो भएकोले लिम्पियाधुरा र कालापानी समेटिएको नक्सा नदेखिएको बताउदै आउनुभएको छ ।।
प्रधानमन्त्रीले दसैँको शुभकामना दिनका लागि प्रयोग भएको तस्बिरमा नेपालको निशान छाप अंकित गरिएको छ तर उक्त छापमा रहेको नेपालको नक्सामा हालै संविधान संशोधन गरेर समेटिएको लिम्पियाधुरासहितको भूभाग समेटिएको पाइएको छैन ।
प्रधानमन्त्रीले नै लिम्पियाधुरा नसमेटिएको नेपालको नक्सा प्रयोग गरेपछि प्रमुख विपक्षी नेपाली कांग्रेसले गम्भीर विमति प्रकट गरेको छ । कांग्रेसले देशको संसदले पारित गरेको नक्सा अब नक्सामै असुरक्षित भएपछि जग्गा फिर्ता गर्ने अभियान जारी कि यहाँको नेतृत्वमा विसर्जन भनेर प्रधानमन्त्रीलाई प्रश्न गरेको छ ।
‘लिम्पियाधुरारहित नेपालको नक्सा प्रयोगलाई सामान्य त्रुटि कसरी मानौँ सम्माननीय प्रधानमन्त्री ज्यू’, प्रधानमन्त्री ओलीलाई मेन्सन गर्दै कांग्रेस प्रवक्ता विश्वप्रकाश शर्माले ट्विटरमा लेख्नुभएको छ, ‘गम्भीर विमती दर्ज होस् ।’
प्रवक्त शर्माले टिप्पणी गर्नुभएको छ, ‘देशको संसदले पारित गरेको नक्सा अब नक्सामै असुरक्षित भएपछि जग्गा फिर्ता गर्ने अभियान जारी कि यहाँको नेतृत्वमा विसर्जन ?।

LEAVE A REPLY

Please enter your comment!
Please enter your name here